Жодзiна

“Каляда – дзецям!”

Мэта акцыі – прыцягненьне ўвагі жыхароў гораду Жодзіна да праблем дзяцей з абмежаванымі магчымасьцямі. У дабрачынных калядаваньнях прыняло ўдзел 6 чалавек. Калядаваньні адбываліся згодна народным традыцыям – калядоўшчыкі віталі гаспадароў дому словамі “Каляда прыйшла – шчасьце ў дом прынясла!”. І, калі гаспадары адчынялі дзьверы дому, зьяўляліся ўсе калядныя героі – каза, мядзьведзь з каляднай зоркай, цыганка, дзед – механош і музыка. Затым адбывалася тэатралізаваная міні – пастаноўка з гукавым суправаджэньнем – народнымі каляднымі песьнямі. Па традыцыі гаспадары дому павінны нечым пачаставаць галоўнага героя Каляды – казу, каб тая адвяла ад дому ўсё злое на цэлы год. Дабрачынныя калядаваньні традыцыйна пачаліся з вечара 6 студзеня і працягнуліся да 14 студзеня. Усе накалядваныя салодкія пачастункі арганізатарамі акцыі перададзеныя дзецям-інвалідам Жодзіна.