Жодзiна

Дзень Волі ў Жодзіне

Лідэры чатырох дэмакратычных рухаў і арганізацыяў Жодзіна падалі заяўку на правядзеньне сьвяткаваньня 90-годдзя заснаваньня Беларускай Народнай Рэспублікі. Пад дакумантам падпісаліся лідэры Аб'яднанай Грамадзянскай Партыі Жодзіна Юры Сілкін, лідэр "Руху ЗА СВАБОДУ" Юрась Жылко, а таксама А.Камароўскі і П.Красоўскі.
Паводле арганізатараў плянуецца правядзеньне сьвяточнага мітынгу, які пачнецца 23 сакавіка ў 15.00 на пляцоўцы гарадзкога парку адпачынка. Пасьля мітынгу плянуецца шэсьце з ускладаньнем кветак да абеліску "Героі жывуць вечна!". Ськоньчыць сьвяткаваньне ўрачысты канцэрт з удзелам вядомых беларускіх гуртоў.
На мітынгу плянуецца ўдзел прадстаўнікоў гарадзкіх уладаў.